Ein nydeleg, varm og fantastisk praktisk vognpose fòra med saueskinn. Dette er eit høgkvalitetsprodukt laga i Norge, og med riktig stell varer det i fleire generasjonar!
Posen kan leverast i tre forskjellige ytterstoff: Bomullscord, vadmel (100% ull) eller mjukt og lekkert lammeskinn. Alle er sydde på same måten.
Posen har påsydd "hette" som kan festast bak ryggen på sportsvogn, tilpassa opningar for fempunktssele, knapping øvst i posen for ekstra kalde dagar og glidelås som går heilt rundt, slik at overdelen kan takast av ved behov. Underdelen kan nyttast som "sprelleteppe", perfekt viss du har det litt golvkaldt heime! Både over- og underdel er fora med mjukt, kortklipt saueskinn.
Posen passar dei fleste barnevogner og kan brukast både i bag og sportsvogn. Ytre mål er ca 90×45 cm. Med i pakken er eit par saueskinnsvottar til babyen i same stoff.
Dette er den perfekte gåva til dei nybakte foreldra eller til dåps-/namnefestgåve. Ei gåve dei vil ha glede av lenge, og som brukaren kan fortsetje å bruke til sine born.
Vi tilrår profesjonell rens av dette produktet.
